2016 جىلعى 13 قاڭتار, استانا قالاسى
قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا
اۋىستىرۋ جانە قايتا قابىلداۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 12) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ كادر جۇمىسى دەپارتامەنتى (ا.ءۇ. ابدىعاليەۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنعا جولداۋدى;
4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى;
5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. «قازاقستان رەسپۋبليكاسى ىشكى ىستەر ورگاندارىندا قىزمەت وتكەرۋدىڭ كەيبىر ماسەلەلەرى تۋرالى» قازاقستان رەسۋبليكاسى ىشكى ىستەر ءمينيسترىنىڭ 2011 جىلعى 27 مامىرداعى № 246 بۇيرىعىنىڭ 1-تارماعى 14) تارماقشاسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7032 تىركەلگەن, «ەگەمەن قازاقستان» گازەتىندە 2011 جىلعى 20 تامىزدا № 379-383 (26777), قازاقستان رەسپۋبليكاسى ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعىندا 2011 جىلعى 30 قاراشادا № 31 جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى پوليتسيا گەنەرال-لەيتەنانتى م.ع. دەمەۋوۆكە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن سوڭ قولدانىسقا ەنگىزىلەدى.
مينيستر پوليتسيا گەنەرال-پولكوۆنيگى ق.قاسىموۆ
قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 13 قاڭتارداعى №25 بۇيرىعىمەن بەكىتىلگەن
قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى
1. جالپى ەرەجەلەر
1. قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى (بۇدان ءارى - قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا (بۇدان ءارى – ءىىم اسكەري, ارناۋلى وقۋ ورىندارى) اۋىستىرۋ جانە قايتا قابىلداۋ ءتارتىبىن انىقتايدى.
2. ءبىلىم الۋشىلاردى ءىىم اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ كەزىندە الدىڭعى اكادەميالىق كەزەڭدە وقىعان جۇمىس وقۋ جوسپارلارى پاندەرىندەگى اكادەميالىق ايىرماشىلىقتار انىقتالادى.
3. جۇمىس وقۋ جوسپارلارى پاندەرىندەگى اكادەميالىق ايىرماشىلىقتى ءىىم اسكەري, ارناۋلى وقۋ ورىندارى ترانسكريپتتە نەمەسە ءبىلىم الۋدى اياقتاماعان ادامدارعا بەرىلەتىن انىقتامادا كورسەتىلگەن زەردەلەنگەن پاندەرىنىڭ تىزبەسى, ولاردىڭ باعدارلامالارى مەن اكادەميالىق ساعاتتارداعى نەمەسە كرەديتتەردەگى كولەمى نەگىزىندە ايقىندايدى.
4. جۇمىس وقۋ جوسپارلارى پاندەرىندەگى اكادەميالىق ايىرماشىلىقتى جويۋ ءۇشىن اعىمداعى اكادەميالىق كەزەڭدە ءبىلىم الۋشى پاندەردى جەكە كەستە بويىنشا دەربەس زەردەلەيدى, باقىلاۋدىڭ بارلىق تۇرلەرىن تاپسىرادى جانە قورىتىندى باقىلاۋعا رۇقسات الادى.
5. وقۋ ءپانىن باسقا وقۋ پانىمەن نەمەسە مازمۇنى بويىنشا ارالاس وقۋ پاندەرى بلوگىمەن پرەرەكۆەزيتتەۋ رەتىندە انىقتالعان سىناقتى ولار پاندەردىڭ مازمۇنى مەن كولەمىنە سايكەس بولعان جاعدايدا قايتا تاپسىرۋعا رۇقسات ەتىلەدى.
6. مەڭگەرىلگەن كرەديتتەردى (ساعاتتاردى) قايتا تاپسىرۋ, سونداي-اق وقۋ كۋرسى ءبىلىم بەرۋ باعدارلامالارىن, مەڭگەرىلگەن پاندەر تىزبەسىنىڭ مازمۇنىن, ولاردىڭ كولەمىن, ءبىلىمىن, داعدىلارى مەن قۇزىرەتىن, سونداي-اق وقۋ ناتيجەلەرىن سالىستىرۋ نەگىزىندە بەلگىلەنەدى.
7. بەلگىلەنگەن ۋاقىتتا جۇمىس وقۋ جوسپارلارى پاندەرىندەگى جويىلماعان اكادەميالىق ايىرماشىلىق, ودان ءارى اكادەميالىق قارىز بولىپ ەسەپتەلەدى.
ءپان بويىنشا اكادەميالىق ايىرماشىلىقتى جويۋ كەزىندە قاناعاتتانارلىقسىز دەگەن باعا العان جاعدايدا, قايتا تاپسىرۋعا جول بەرىلمەيدى, ال ءبىلىم الۋشىلار ءىىم اسكەري, ارناۋلى وقۋ ورنىنان اكادەميالىق ۇلگەرمەگەنى ءۇشىن وقۋدان شىعارىلادى.
8. ءىىم اسكەري, ارناۋلى وقۋ ورىندارىنىڭ بوس قابىلداۋ ورىندارى تۋرالى اقپارات ولاردىڭ ينتەرنەت-رەسۋرسىندا جاريالانادى.
2. ءىىم اسكەري, ارناۋلى وقۋ ورىندارىنا اۋىستىرۋ ءتارتىبى
پاراگراف 1. ءىىم ارناۋلى وقۋ ورىندارىنا اۋىستىرۋدى ۇيىمداستىرۋ
9. ءبىلىم الۋشىلاردى ءىىم ارناۋلى وقۋ ورىندارىنا كۋرستان كۋرسقا, ءبىر وقىتۋ نىسانىنان ەكىنشىسىنە, ءبىر تىلدىك بولىمشەدەن ەكىنشىسىنە, ءبىر ماماندىقتان ەكىنشىسىنە, باسقا جوعارى وقۋ ورىندارىنان (بۇدان ءارى - جوو) اۋىستىرۋ جۇزەگە اسىرىلادى.
ءبىلىم الۋشىلاردى ءبىر ءىىم ارناۋلى وقۋ ورىندارىنان ەكىنشى ءىىم ارناۋلى وقۋ ورنىنا, ءىىم ارناۋلى وقۋ ورىندارىنىڭ كەلىسىمىنە سايكەس بوس قابىلداۋ ورنى بولعان جاعدايدا جۇزەگە اسىرىلادى.
10. ءبىلىم الۋشىلاردى جوو-دان ءىىم ارناۋلى وقۋ ورىندارىنىڭ بوس قابىلداۋ ورىندارىنا اۋىستىرۋ كونكۋرستىق نەگىزدە كانيكۋل كەزەڭىندە وقۋ جىلىنىڭ ناتيجەلەرىن جانە ءىىم ارناۋلى وقۋ ورىندارىندا وسى كۋرستا بەلگىلەنگەن اۋىستىرۋ بالىنان تومەن بولمايتىن ۇلگەرىمنىڭ ورتاشا بالىن ەسكەرە وتىرىپ, جازعى ەمتيحاندىق سەسسيانىڭ (ارالىق اتتەستاتتاۋ) قورىتىندىسى بويىنشا ءتيىستى كۋرستا بوس قابىلداۋ ورىندارى بولعان جاعدايدا جۇزەگە اسىرىلادى.
11. جوو-دان ءىىم ارناۋلى وقۋ ورىندارىنا اۋىسۋعا نيەت بىلدىرگەن كانديدات ءىىم ارناۋلى وقۋ ورنى باستىعىنىڭ اتىنا ەركىن نىساندا اۋىسۋ تۋرالى ءوتىنىش بەرەدى.
اۋىسۋ تۋرالى وتىنىشكە مىناداي قۇجاتتار قوسا بەرىلەدى:
1) ءىىم ارناۋلى وقۋ ورنىنا اۋىستىرۋ تۋرالى جوو باسشىسىنىڭ اتىنا جازىلعان ءوتىنىشتىڭ كوشىرمەسىن جانە بۇرىنعى وقۋ ورنىنان باسشىنىڭ قولى مەن ءمورى قويىلعان جازباشا كەلىسىم;
2) وقۋ ءىسى جونىندەگى پرورەكتور مەن وفيس-تىركەۋشىنىڭ قولى قويىلعان جانە ءمور باسىلعان ترانسكريپىنىڭ كوشىرمەسى;
3) ۇلتتىق بىرىڭعاي تەستىلەۋدى (بۇدان ءارى – ۇبت) نەمەسە كەشەندى تەستىلەۋدى (بۇدان ءارى – كت) تاپسىرعانى تۋرالى سەرتيفيكات;
4) جەكە باسىن كۋالاندىراتىن قۇجاتتىڭ كوشىرمەسى;
5) ءبىلىم بەرۋ گرانتى يەسىنىڭ كۋالىگى (ەگەر بولسا).
12. ءتيىستى كۋرستا بوس قابىلداۋ ورنى بولعان جاعدايدا ءۇش جۇمىس كۇنى ىشىندە ءىىم ارناۋلى وقۋ ورنى باستىعىنىڭ وقۋ ءىسى جونىندەگى ورىنباسارى وسى قاعيدالارعا قوسىمشاعا سايكەس نىسان بويىنشا ءىىم ارناۋلى وقۋ ورنىنا اۋىستىرۋ تۋرالى قورىتىندى شىعارادى.
13. قورىتىندىنىڭ كوشىرمەسى تۇرعىلىقتى جەرى بويىنشا اۋماقتىق ىشكى ىستەر ورگانىنىڭ كادر قىزمەتىنە (بۇدان ءارى – ءىىو كادر قىزمەتى) جىبەرىلەدى.
14. ءىىو كادر قىزمەتى:
1) وقۋعا كانديداتتى الدىن الا زەردەلەۋدى ۇيىمداستىرادى;
2) وقۋعا كانديدات قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 7 جەلتوقسانداعى № 1000 بۇيرىعىمەن بەكىتىلگەن ىشكى ىستەر ورگاندارىنا قىزمەتكە (وقۋعا) قابىلداناتىن كانديداتتاردى ىرىكتەۋ جانە الدىن الا زەردەلەۋدى جۇزەگە اسىرۋ قاعيدالارىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12555 بولىپ تىركەلگەن) (بۇدان ءارى – ىرىكتەۋ قاعيدالار) تالاپتارىنا سايكەس بولعان جاعدايدا كادر قىزمەتى ءىىم ارناۋلى وقۋ ورنىنا قازاقستان رەسپۋبليكاسى ىشكى ىستەر ءمينيسترىنىڭ 2011 جىلعى 27 مامىرداعى № 246 بۇيرىعىمەن بەكىتىلگەن قازاقستان رەسپۋبليكاسى ىشكى ىستەر ورگاندارى قىزمەتكەرىنىڭ دەربەس دەرەكتەرى بار جەكە ىستەردى جۇرگىزۋ ەرەجەسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7032 بولىپ تىركەلگەن) (بۇدان ءارى – جەكە ىستەردى جۇرگىزۋ ەرەجەسىنىڭ) تالاپتارىنا سايكەس رەسىمدەلگەن كانديداتتىن جەكە ءىسىن جانە وقۋدى بىتىرگەننەن كەيىن جۇمىسقا ورنالاستىرۋ كەپىلدەمەسى بار قولداۋحاتتى جىبەرەدى.
15. ءىىم ارناۋلى وقۋ ورنى جەكە ءىستى, قورىتىندىنىڭ كوشىرمەسىن, ترانسكريپتىنى, جۇمىس وقۋ جوسپارىن, ۇبت نەمەسە كت تاپسىرعانى تۋرالى سەرتيفيكاتتى قازاقستان رەسپۋبليكاسى ىشكى ىستەر مينيسترلىگىنە (بۇدان ءارى - ءىىم) كانديداتتى ءىىم-ءنىڭ ارناۋلى وقۋ ورنىنا اۋىستىرۋ ماسەلەسىن كەلىسۋ ءۇشىن جولدايدى.
16. ءىىم ارناۋلى وقۋ ورىندارى ۇسىنعان اۋىسۋ تۋرالى ماتەريالداردى ءىىم كوميسسياسى جىلىنا ءبىر رەت قارايدى.
ءىىم كوميسسياسى ماتەريالداردى قاراۋ ناتيجەسى بويىنشا ءبىلىم الۋشىنى ءىىم ارناۋلى وقۋ ورنىنا اۋىستىرۋ نەمەسە اۋىستىرۋدان باس تارتۋ تۋرالى شەشىم شىعارادى.
17. ءىىم شەشىمىنىڭ نەگىزىندە ءىىم ارناۋلى وقۋ ورنى باستىعىنىڭ بۇيرىعىمەن وقۋعا كانديدات ءىىم ارناۋلى وقۋ ورنىنىڭ ءبىلىم الۋشىلارى قاتارىنا قابىلدانادى.
18. ءىىم ارناۋلى وقۋ ورنىنىڭ باستىعى وقۋعا كانديداتتى ءىىم ارناۋلى وقۋ ورنىنىڭ ءبىلىم الۋشىلارى قاتارىنا قابىلداۋ تۋرالى بۇيرىق شىققان كۇننەن باستاپ ءۇش جۇمىس كۇنى ىشىندە وقۋعا كانديدات بۇرىن وقىعان جوو-عا ونىڭ وقۋ ءىسىن جىبەرۋ تۋرالى جازباشا سۇراۋ سالۋ جىبەرەدى. سۇراۋ سالۋعا وقۋعا كانديداتتى ءبىلىم الۋشىلار قاتارىنا قابىلداۋ تۋرالى ءىىم ارناۋلى وقۋ ورنى باستىعى بۇيرىعىنىڭ كوشىرمەسى قوسا بەرىلەدى.
2-پاراگراف. ءىىم اسكەري وقۋ ورىندارىنا اۋىستىرۋدى ۇيىمداستىرۋ
19. ءبىلىم الۋشىلاردى ءىىم اسكەري وقۋ ورىندارىنا كۋرستان كۋرسقا, ءبىر وقىتۋ نىسانىنان ەكىنشىسىنە, ءبىر تىلدىك بولىمشەدەن ەكىنشىسىنە, ءبىر ماماندىقتان ەكىنشىسىنە, ءىىم اسكەري وقۋ ورنىنىڭ بىرەۋىنەن ەكىنشىسىنە اۋىستىرۋ جۇزەگە اسىرىلادى.
20. شەتەل وقۋ ورنىندا (بۇدان ءارى - شەتەلدىك جوو) ءبىلىم الۋشىنى اۋىستىرعان جاعدايدا وقۋ باعدارلامالارىن يگەرگەنى تۋرالى قۇجات (اكادەميالىق انىقتاما, ترانسكريپت) ۇسىنىلادى.
21. قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 10 قاڭتارداعى № 8 بۇيرىعىمەن بەكىتىلگەن ءبىلىم تۋرالى قۇجاتتاردى تانۋ جانە نوستريفيكاتسيالاۋ قاعيدالارىندا(نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە № 5135 بولىپ تىركەلگەن) (بۇدان ءارى - تانۋ قاعيدالارى) بەلگىلەنگەن تارتىپتە قازاقستان رەسپۋبليكاسىندا نوستريفيكاتسيا ءراسىمىن وتەتىن ءبىلىمنىڭ الدىڭعى دەڭگەيىن بىتىرگەنى تۋرالى قۇجاتتار ۇسىنىلادى.
قازاقستان رەسپۋبليكاسىندا جالپى ورتا نەمەسە تەحنيكالىق جانە كاسىپتىك ءبىلىم العان ادامدار شەتەلدىك جوعارى وقۋ ورىندارىنان اۋىسۋ كەزىندە سونداي-اق قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى № 58 قاۋلىسىمەن بەكىتىلگەن جوعارى ءبىلىم الۋعا اقى تولەۋ ءۇشىن ءبىلىم بەرۋ گرانتىن بەرۋ ەرەجەسىندە (بۇدان ءارى - بەرۋ ەرەجەسى) بەلگىلەنگەن ءوتۋ بالىنان تومەن ەمەس بالى بار ۇلتتىق بىرىڭعاي تەستىلەۋ نەمەسە كەشەندى تەستىلەۋ سەرتيفيكاتىن ۇسىنادى.
ۇبت جانە كت بويىنشا ءوتۋ بالىن جيناماعان نەمەسە قاتىسپاعان ادامدار اۋىستىرۋ تۋرالى بۇيرىق شىققانعا دەيىن كت تاپسىرادى.
3. ءىىم اسكەري, ارناۋلى وقۋ ورىندارىنا قايتا قابىلداۋ ءتارتىبى
1-پاراگراف. ءىىم ارناۋلى وقۋ ورىندارىنا قايتا قابىلداۋ ءتارتىبى
22. ءبىلىم الۋشىلاردى ءىىم ارناۋلى وقۋ ورىندارىنا قايتا قابىلداۋ جوو-دا ءبىلىم العاندار قاتارىنان جۇزەگە اسىرىلادى.
23. ءبىلىم الۋشىلاردى ءىىم ارناۋلى وقۋ ورىندارىنا قايتا قابىلداۋ جازعى نەمەسە قىسقى كانيكۋل كەزەنىڭدە جۇزەگە اسىرىلادى.
24. ءبىلىم الۋشىلاردى قايتا قابىلداۋ اۋماقتىق ىشكى ىستەر ورگانى باسشىسىنىڭ قولداۋحاتى نەگىزىندە ءىىم ارناۋلى وقۋ ورنى باستىعىنىڭ بۇيرىعىمەن جۇرگىزىلەدى.
25. ءىىم ارناۋلى ورىندارىنا قايتا قابىلداۋ ءۇشىن ازاماتتار ءىىم ارناۋلى وقۋ ورنى باستىعىنىڭ اتىنا قايتا قابىلداۋ تۋرالى ەركىن نىساندا ءوتىنىش بەرەدى.
26. ءىىم ارناۋلى وقۋ ورنى بۇرىن وقىعان ورنى بويىنشا ءبىلىم الۋشىنىڭ ءبىلىم الۋ باعدارلامالارىن مەڭگەرگەنى (اكادەميالىق انىقتاما, ترانسكريپت), سونداي-اق الدىڭعى ءبىلىم بەرۋ دەڭگەيىن بىتىرگەنى تۋرالى قۇجاتتاردى ۇسىنۋ تۋرالى سۇراۋ سالۋ جىبەرەدى.
27. ءتيىستى كۋرستا بوس قابىلداۋ ورنى بولعان جاعدايدا ءىىم ارناۋلى وقۋ ورنى باستىعىنىڭ ورىنباسارى ءۇش جۇمىس كۇنى ىشىندە وسى قاعيدالارعا قوسىمشاعا سايكەس نىسان بويىنشا ءىىم ارناۋلى وقۋ ورنىنا قايتا قابىلداۋ تۋرالى قورىتىندى شىعارادى جانە بەكىتەدى.
28. قورىتىندىنىڭ كوشىرمەسى اۋماقتىق ىشكى ىستەر ورگانىنىڭ كادر قىزمەتىنە (بۇدان ءارى – ءىىو كادر قىزمەتى) جىبەرىلەدى.
29. ءىىو كادر قىزمەتى:
1) وقۋعا كانديداتتى الدىن الا زەردەلەۋدى ۇيىمداستىرادى;
2) وقۋعا كانديدات ىرىكتەۋ قاعيدالارىنىڭ تالاپتارىنا سايكەس بولعان جاعدايدا كادر قىزمەتى ءىىم ارناۋلى وقۋ ورنىنا جەكە ىستەردى جۇرگىزۋ ەرەجەسىنىڭ تالاپتارىنا سايكەس رەسىمدەلگەن جەكە ءىسىن جانە وقۋدى بىتىرگەننەن كەيىن جۇمىسقا ورنالاستىرۋ كەپىلدەمەسى بار قولداۋحاتتى جىبەرەدى.
30. ءتيىستى كۋرساتا بوس قابىلداۋ ورىندارى بولعان جاعدايدا ءىم ارناۋلى وقۋ ورنى باستىعىنىڭ بۇيرىعىمەن وقۋعا كانديدات ءبىلىم الۋشىلار قاتارىنا قابىلدانادى.
31. بۇيرىقتىڭ كوشىرمەسى ءىىو كادر قىزمەتىنە جولدانادى.
2-پاراگراف. ءىىم اسكەري وقۋ ورىندارىنا قايتا قابىلداۋ ءتارتىبى
32. ءبىلىم الۋشىلاردى ءىىم اسكەري وقۋ ورىندارىنا وقۋعا قايتا قابىلداۋ جوو-دا ءبىلىم الۋشىلار قاتارىنان قازاقستان رەسپۋبليكاسى ۇلتتىق ۇلانى باس قولباسشىسىنىڭ كەلىسىمى بويىنشا اسكەري وقۋ ورنى باستىعىنىڭ بۇيرىعىمەن جۇزەگە اسىرىلادى.
33. ءبىلىم الۋشىلاردى ءىىم اسكەري وقۋ ورىندارىنا قايتا قابىلداۋ جازعى نەمەسە قىسقى كانيكۋل كەزەڭىندە جۇزەگە اسىرىلادى.
34. ءىىم اسكري وقۋ ورىندارىنا قايتا قابىلداۋ ءۇشىن ازاماتتار ءىىم اسكەري وقۋ ورنى باستىعىنىڭ اتىنا قايتا قابىلداۋ تۋرالى ەركىن نىساندا ءوتىنىش بەرەدى.
35. ءتيىستى كۋرستا بوس قابىلداۋ ورىندارى بولعان جاعدايدا ون جۇمىس كۇنى ىشىندە ءىىم اسكەري وقۋ ورنىنىڭ باستىعى ءىىم اسكەري وقۋ ورنىنا كانديداتتى وقۋعا قايتا قابىلداۋ تۋرالى وسى قاعيدالارعا قوسىمشاعا سايكەس نىسان بويىنشا قورىتىندى شىعارادى جانە بەكىتەدى.
36. قورىتىندىنىڭ كوشىرمەسى قازاقستان رەسپۋبليكاسى ۇلتتىق ۇلانىنىڭ باس قولباسشىسىنا كەلىسۋ ءۇشىن جولدانادى.
37. ماسەلە وڭ شەشىلگەن جاعدايدا اسكەري وقۋ ورنىنىڭ كادر ورگانى وقۋعا كانديداتتى الدىن الا زەردەلەۋدى ۇيىمداستىرادى جانە جەكە ءىسىن قالىپتاستىرادى.
38. بوس قابىلداۋ ورىندارى بولعان جاعدايدا ءىىم اسكەري وقۋ ورنى باستىعىنىڭ بۇيرىعىمەن وقۋعا كانديدات ءبىلىم الۋشىلار قاتارىنا قابىلدانادى.
39. شەتەلدىك جوو-دا ءبىلىم الۋشىنى قايتا قابىلداۋ كەزىندە مەڭگەرىلگەن وقۋ باعدارلامالارى (اكادەميالىق انىقتاما, ترانسكريپت).
جالپى ورتا نەمەسە تەحنيكالىق جانە كاسىپتىك ءبىلىمدى شەتەلدە العان ادامداردى شەتەلدىك جوو-دان قايتا قابىلداۋ كەزىندە تانۋ قاعيدالارىندا بەلگىلەنگەن تارتىپپەن قازاقستان رەسپۋبليكاسىندا نوستريفيكاتسيالاۋ راسىمىنەن وتكەن ءبىلىم الۋدى اياقتاعانى تۋرالى قۇجات ۇسىنىلادى.
جالپى ورتا نەمەسە تەحنيكالىق جانە كاسىپتىك ءبىلىمدى قازاقستان رەسپۋبليكاسىندا العان ادامداردى شەتەلدىك جوو-دان قايتا قابىلداۋ كەزىندە ءبىلىم گرانتىن بەرۋ ەرەجەسىندە بەلگىلەنگەن ءوتۋ بالىنان تومەن ەمەس بالى بار ۇبت نەمەسە كت سەرتيفيكاتىن ۇسىنادى.
ۇبت جانە كت بويىنشا ءوتۋ بالىن جيناماعان نەمەسە قاتىسپاعان ادامدار قايتا قابىلداۋ تۋرالى بۇيرىق شىققانعا دەيىن كت تاپسىرادى.
قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارىنا قوسىمشا
بەكىتەمىن
ءىىم اسكەري وقۋ ورنىنىڭ باستىعى/
ءىىم ارناۋلى وقۋ ورنى باستىعىنىڭ
وقۋ ءىسى جونىندەگى
ورىنباسارى ___________________
«___»_____________20____جىلعى
قورىتىندى
_________________________
تەگى, اتى, اكەسىنىڭ اتى (بولعان جاعدايدا)
«_______ -_________________________» ماماندىعى بويىنشا جوعارى ءبىلىم بەرۋ باعدارلاماسى بويىنشا _________ وقۋ نىسانى بويىنشا كەلەسى كۋرستارعا «____________________________» مەملەكەتتىك مەكەمەسىنە وقۋىن ودان ءارى جالعاستىرۋ ءۇشىن اۋىستىرۋ تۋرالى
___________________________________ ۇسىنعان قۇجاتتار ء(وتىنىش,
ت.ا.ءا.
ترانسكريپت) نەگىزىندە مىناداي اكادەميالىق ايىرماشىلىق بەلگىلەندى:
ر/س
№
پاندەردىڭ جانە وقۋ جۇمىسى تۇرلەرىنىڭ اتاۋى بارلىق ساعات باقىلاۋ نىسانى
كرەديتتەر (ساعات) سانى كانديداتتىڭ انىقتاماسى وقۋ جوسپارى (وقۋ ورنىنىڭ اتاۋى) كانديداتتىڭ انىقتاماسى
جالپىعا بىردەي مىندەتتى كومپونەنت
1
جوعارى وقۋ ورنىنىڭ كومپونەنتى
1
ۇلگەرىمنىڭ ورتاشا بالى -_______
قورىتىندى:
قازاقستان رەسپۋبليكاسى ءىىم 20____ج. «_____»_______ №___ بۇيرىعىمەن بەكىتىلگەن «قازاقستان رەسپۋبليكاسى ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيداعالارىنىڭ ___ تارماعىنا سايكەس تەگى, اتى, اكەسىنىڭ اتى (بولعان جاعدايدا) _________ ___________جوو اتاۋى___________ «_________ -_________________________» ماماندىعى بويىنشا جوعارى ءبىلىم بەرۋ باعدارلاماسى بويىنشا ____________ فاكۋلتەتىنىڭ ___كۋرسىنا (20___ج. ) وقۋعا اۋىستىرۋ مۇمكىن (مۇمكىن ەمەس) دەپ ەسەپتەلسىن.
اكادەميالىق ايىرماشىلىق بەلگىلەنگەن مەرزىمدە جويىلادى.
ءىىم جوعارى وقۋ ورنى فاكۋلتەتىنىڭ باستىعى___________
تەگى, اتى, اكەسىنىڭ اتى (بولعان جاعدايدا)
ەسكەرتپە: جوعارى وقۋ ورنىنىڭ قۇرىلىمىندا دەربەس ينستيتۋتتار بولعان جاعدايدا, قورىتىندى ينستيتۋت باستىعىمەن كەلىسىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 19 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13139 بولىپ ەنگىزىلدى.